The Mizoram (Protection of Rivers) Act 2023 passed tawh sorkar tharin a la mut tir mai mai: C. Lalramzauva, MNF Legal Board Chairman
by Editor
ZORAM TODAY| 29th July, 2024 (Mon): Vawiin Thawhṭanni hian MNF party chuan Mizo Hnam Runah chhung inkhawm an nei a. He huna thusawitu, C Lalramzauva PAC member, MNF Legal Board Chiarman ni bawk chuan "Mizoram tana pawimawh em em, the Mizoram (Protection of Rivers) Act 2023, sorkar hmasa hunlaia pass tawh chu ZPM sorkar hian Nodal Department tur pawh an la siam fel lo a. Chu dan pawimawh tak chu an la mut tir mai mai a ni," a ti.
"Khawchin inthlak zelah kan luite enkawl a, vemhim a, humhalh a ṭul tehlul nen lui 16 zet enkawlna tura sorkar hmasain dan a lo siam tawh chu ngaihthah a ni mek a. An la then vel mai mai hi a pawi tak zet a ni," a ti a. C Lalramzauva chuan, "A dan hi ṭha tawk lo awma an hria a nih chuan siam ṭha se, hetiang dan pawimawh lutuk mut tir mai mai hi a dik lo a. Inneihna vela kal leh khuallian vela ṭanah an la lungawi tawk niin a lang," a ti bawk.
Senior Advocate C Lalramzauva chuan, "Mipuite tana dan hlui tawh ZNP an nih hunlaia kan CM ni ta Lalduhoma pawhin tih tawp ṭha a tih, a CM hnu pawha tih tawp ṭha a la tih zui zel Riverine Reserved Forest, 1965 chu tunhnaiah tinung tura hmalak leh a ni a. ZNP an nih lai khan Assembly House-a a member pui K Liantlinga chu Mizoram Assembly paruknaah Resolution putluh tirin, Riverine Reserved Forest Area țhiata tlang sang lama sawn rawtna a thlen tir a, hei hi House pawhin lungrual takin a lo pass tawh a. Hemi hnu 19th Nov. 2019 maiah pawh khan House-a Official Resolution pakhat sawihonaah tlang sang lama Reserved Forest sawn a țul thu leh luipui kam ram țhalaite hman țangkai theiha siam a țul thu a sawi leh bawk.
"Hetihlai hian tunah chuan a dinna thlak leh thutin, Riverine Reserved Forest tih nun leh tumna chu Lalduhoma kaihhruai sorkar hnuaiah Mizoram sorkar Advocate General chuan a lo thlawp leh ta daih si hi a mak hle. Kan CM hian eng rilru nge a put tih hi ka zawhna a ni," a ti.
MNF PAC member chuan, "Kha leh chen thil ṭha a lo sawi tawh a, thil ṭha tinreng ti turin an intiam a. Pu Duhoma sorkar-in min hruai dan tur hi a lang ruak tawh a, a ropui lem lo viau dawnin a lang. An sawi loh dan ang hlirin an awm chho ta a ni ber awm e. Ṭawngkam thiamna leh dengkhawng tak taka min beih a, ram ṭha lo lehzuala min hruai luh an tum ni berin a lang," a ti.
He hun hi J Lalremruata Hmar, General Secretary-in a kaihruai a, Malsawmpuia Ralte, Secretary-in hunserh a hmang a ni.
Latest News
ZPM in media interview phal lo
by News Editor
3
d
28 October 2025
FCAA 2023 Mizoram tan a himloh...
by News Editor
3
d
28 October 2025
Joint Civil Society in Total B...
by News Editor
3
d
28 October 2025
Dampa biala Chief Minister Spe...
by Editor
7
d
24 October 2025
Kum 10 aia rei rorelna fawng k...
by Editor
8
d
23 October 2025
Mizoram State University leh K...
by Editor
8
d
23 October 2025
Ka tlak nawn leh chuan a zahth...
by News Editor
10
d
21 October 2025
Khaw tinin hna in thawk mek a...
by Editor
10
d
21 October 2025
CYMA Finance Secretary mimal c...
by Editor
10
d
21 October 2025
Damdawiin te manganna leh hars...
by Editor
10
d
21 October 2025
Mizoramah sorkarna chelhtu kan...
by Editor
11
d
20 October 2025
Mizoramah sorkarna chelhtu kan...
by Editor
11
d
20 October 2025
MNF party hian kan ram felna t...
by Editor
11
d
20 October 2025
October 29 a ram pum huap tota...
by Editor
13
d
18 October 2025
Dr R Lalthangliana leh John Ro...
by Editor
13
d
18 October 2025
Kan kawngpui chhiat em em chha...
by Editor
14
d
17 October 2025
Thenzawl Peace City Master Pla...
by Editor
14
d
17 October 2025
K Sapdanga Sairang Rail Statio...
by Editor
17
d
14 October 2025
Lunglei West MLA T Lalhlimpuia...
by Editor
17
d
14 October 2025
Chief Minister in Hnahsin Kut...
by Editor
17
d
14 October 2025